ᐱᒋᐊᕐᕕᒃ

ᐃᓚᐅᒋᑦᑎ 7-ᒋᓕᖅᑕᖓᓂᑦ ᐊᕐᕌᒍᑕᒫᑦ ᑭᕙᓪᓕᕐᒥ ᓇᖕᒥᓂᖃᕐᑐᓂᒃ ᑕᐅᖅᓰᖃᑎᒌᖕᓂᖅ – ᓯᑎᐱᕆ 26-ᒥᑦ 28-ᒧᑦ, 2016. ᑲᖏᖅᖠᓂᖅ, ᓄᓇᕗᑦ.

ᖃᐃᖃᑕᐅᖁᔭᑉᑎᒋᑦ ᐊᒻᒪᓗ ᑲᑎᓯᓗᑎᑦ ᑭᒡᒐᖅᑐᖅᑎᓂᒃ ᓄᓇᓕᖕᓂᑦ, ᐃᓄᐃᑦ ᑲᑐᔾᔨᖃᑎᒌᖕᓂᑦ, ᐃᓕᓐᓂᐊᖅᑐᓕᕆᔨᒃᑯᓐᓂᑦ ᐊᒻᒪᓗ ᐊᔪᕈᖕᓃᖅᓴᐃᔨᓂᒃ, ᕿᓂᖅᓴᐃᔨᓂᒃ ᐊᒻᒪᓗ ᐅᔭᕋᖕᓂᐊᖅᑐᓕᕆᔨᒃᑯᓐᓂᑦ, ᒐᕙᒪᒃᑯᑦ ᐊᕕᒃᑐᖅᓯᒪᔪᖏᑦ, ᐊᒻᒪᓗ ᐊᔾᔨᒌᖏᑦᑐᑦ ᐱᔅᓂᓰᑦ ᑐᓂᓯᔪᑦ ᐱᖁᑎᓂᒃ ᐊᒻᒪᓗ ᐱᔨᑦᑎᕋᐅᑎᓂᒃ ᑭᕙᓪᓕᕐᒧᑦ. ᐊᒡᔭᖅᑐᐃᔨᓂᒃ ᓴᓇᙳᐊᖅᑎᓄᑦ, ᑭᕙᓪᓕᖅ ᐃᓂᐅᔪᖅ ᐊᒥᓱᓄᑦ ᓇᖕᒥᓂᓕᖕᓄᑦ ᓱᓇᑐᐃᓐᓇᓕᐅᖃᑦᑕᖅᑐᓂᒃ.

ᐊᕐᕌᒍᑕᒫᑦ ᑭᕙᓪᓕᕐᒥ ᓇᖕᒥᓂᖃᕐᑐᓂᒃ ᑕᐅᖅᓰᖃᑎᒌᖕᓂᖅ ᐱᒋᐊᕐᓂᐊᖅᑐᑦ ᐅᓐᓄᒃᓴᒥᑦ ᓴᓇᑦᑕᐃᓕᐅᕌᓂᒃᐸᑦ, ᓯᑎᐱᕆ 26 ᐊᓯᒥᖕᓂᒃ ᑲᑎᓯᕙᓪᓕᐊᓂᖃᕐᓗᑎᒃ. ᑐᒡᓕᐊᓂᑦ ᑕᒪᕐᒥᑦ ᑕᐅᖅᓰᔪᑦ ᐊᒻᒪᓗ ᓴᓇᙳᐊᖅᑕᐅᔪᓂᒃ ᓂᐅᕕᐊᒃᓴᐃᑦ ᕿᑎᒡᕕᖕᒦᓐᓂᐊᖅᑐᖅ. ᑐᒡᓕᐊᓂᑦ ᐅᓐᓄᒃᑯᑦ ᐃᓚᐅᖃᑕᐅᔪᑦ ᐊᒻᒪᓗ ᓄᓇᓕᖕᒥᐅᑕᐃᑦ ᖃᐃᖃᑕᐅᖁᔭᐅᔪᑦ ᑕᐅᑐᕋᓐᓈᖅᑎᑦᑎᓂᕐᒥᒃ ᑕᑯᒃᓴᐅᓗᑎᒃ ᐱᐅᓂᖅᐹᖏᓐᓂᒃ ᑭᕙᓪᓕᐅᑉ. ᕿᑎᐊᓂᑦ ᐅᑉᓛᒃᑯᑦ ᐊᒻᒪᓗ ᐅᑉᓗᕈᒥᑖᓂᒃᐸᑕ ᐊᑎᓕᐅᖅᓯᒪᔪᑦ ᐃᓚᐅᔪᑦ ᑐᓵᓂᐊᖅᑐᑦ ᐅᖃᓪᓚᒃᑎᓂᑦ 2016-ᒥᑦ ᐱᔾᔪᑎᖃᖅᑐᒥᒃ. ᐅᓐᓄᒍᒥᑕᕐᓂᖅ ᕿᑎᐊᓂᑦ ᓯᑎᐱᕆ 28-ᒥᑦ ᐱᐊᓂᒃᓯᓂᐊᖅᑐᖅ 2016-ᒥᑦ ᓂᐅᕕᐊᒃᓴᖃᕐᓗᑎᒃ ᐆᒃᑐᖅᑕᐅᔪᖕᓇᖅᑐᓂᒃ, ᐃᓕᑕᖅᓯᓗᑎᒃ ᐱᔾᔪᔾᔨᔪᓂᒃ ᐊᒻᒪᓗ ᑲᑎᒪᔨᐊᓛᓂᒃ ᐊᑭᓕᖅᑐᖅᑕᐅᙱᖦᖢᑎᒃ ᑲᒪᔨᓂᒃ.

ᑭᕙᓪᓕᕐᒥ ᓇᖕᒥᓂᖃᕐᑐᓂᒃ ᑕᐅᖅᓰᖃᑎᒌᖕᓂᖅ ᖃᐃᖃᑕᐅᖁᔨᔪᑦ ᐱᓕᕆᖃᑎᒋᔭᖏᓐᓂᒃ ᐃᑲᔪᕐᓂᐊᕐᓗᑎᒃ ᐊᒻᒪᓗ ᐱᐅᓯᒋᐊᖅᓯᓗᑎᒃ ᐊᕐᕌᒍᑕᒫᑦ ᑕᐅᖅᓰᓂᕐᒧᑦ ᑲᑎᖃᑎᒌᒃᑐᒥᒃ. ᐊᕐᕌᒍᑕᒫᑦ ᑕᐅᖅᓰᓂᖅ ᐊᑐᖃᑦᑕᖅᑐᖅ ᑮᓇᐅᔭᓂᒃ ᑐᓂᕐᕈᓯᐊᖅᑕᐅᔪᓂᒃ ᐊᒻᒪᓗ/ᐅᕝᕙᓘᓪᓃᑦ ᒐᕙᒪᒃᑯᓐᓂᑦ ᑐᓂᕐᕈᓯᐊᖅᑕᐅᔪᓂᒃ, ᐊᒻᒪᓗ ᖃᓄᐃᑑᔪᓂᒃ ᐃᑲᔪᐃᓂᕐᓂᒃ ᐱᔨᑦᑎᕋᐅᑎᓂᒃ; ᑎᖕᒥᓲᒃᑰᕈᑎᓂᒃ ᑕᑯᒃᓴᐅᑎᑦᑎᓂᕐᒧᑦ ᐃᓂᐅᔪᓂᒃ ᓄᓇᓕᖕᒥᑦ ᐃᓂᓕᐅᕆᓂᕐᒧᑦ ᐱᔨᑦᑎᕋᐅᑎᓄᑦ ᓲᕐᓗ ᓴᖅᑯᒥᔮᖅᑎᑦᑎᓂᕐᒥᒃ, ᓂᕿᑖᖅᑎᑦᑎᓃᑦ, ᐊᒻᒪᓗ ᑐᔪᕐᒥᕖᑦ ᑕᐃᒪᒃᑲᓐᓃᓪᓗ. ᑐᑭᓯᐅᒪᔾᔪᑎᒃᑲᓐᓂᕐᓂᒃ ᐱᔪᒪᒍᕕᑦ ᖃᐅᔨᒋᐊᕐᓗᒍ ᐱᔾᔪᔾᔨᔨᐅᓂᕐᒧᑦ ᐱᕕᖃᕐᓃᑦ ᐊᒻᒪᓗ ᐃᑲᔪᐃᓂᕐᒧᑦ ᑎᑎᖅᑲᖅ ᐱᔾᔪᔾᔨᔨᐅᓂᕐᒨᖅᑐᒥᑦ.

ᖃᐅᔨᒋᐊᕐᕕᒋᓗᒍ ᑐᑭᒧᐊᒃᑎᑦᑎᔨ ᐅᕙᓂ coordinator@kivalliqtradeshow.ca ᐅᕝᕙᓘᓐᓃᑦ ᐅᖃᓗᒡᕕᒋᓗᒍ 1.877.477.2919-ᒧᑦ ᑐᑭᓯᐅᒪᔾᔪᑎᒃᑲᓐᓂᕐᓂᒃ ᐱᔪᒪᒍᕕᑦ 2016 ᑭᕙᓪᓕᕐᒥ ᓇᖕᒥᓂᖃᕐᑐᓂᒃ ᑕᐅᖅᓰᖃᑎᒌᖕᓂᖅ ᒥᒃᓵᓄᑦ.

ᖃᐅᔨᒋᐊᑲᓐᓂᖃᑦᑕᖁᕙᑉᑎᒋᑦ ᐅᑉᓗᒥᒨᓕᖅᑐᖅᓯᒪᔪᓂᒃ ᑕᐅᖅᓰᖃᑎᒌᖕᓂᕐᒧᑦ ᑐᑭᓯᐅᒪᔾᔪᑎᓂᒃ ᐊᒻᒪᓗ ᖃᖓᒃᑰᖓᔪᓂᒃ ᓇᓗᓇᐃᖅᑕᐅᔪᑦ ᒥᒃᓵᓄᑦ.

Comments are closed