ᒪᒃᑯᒃᑐᓄᑦ

ᐅᑭᐅᑕᒫᑦ ᐊᔭᐅᖅᑐᐃᖃᑦᑕᖅᑐᒍᑦ ᒪᒃᑯᒃᑐᓂᒃ ᐆᒃᑐᖁᑉᓗᒋᑦ ᐃᓚᐅᓂᕐᒧᑦ ᒪᒃᑯᒃᑐᑦ ᓇᖕᒥᓂᖃᕐᓂᕐᒧᑦ ᑐᕌᖓᔪᒥᑦ. ᑐᕌᖓᔫᑉ ᑐᕌᒐᖓ ᐃᑲᔪᐃᓂᕐᒧᑦ ᑭᕙᓪᓕᕐᒥᑦ ᒪᒃᑯᒃᑐᓂᒃ ᐊᔪᙱᓐᓂᖅᑖᖅᐸᓪᓕᐊᓂᕐᒧᑦ ᐊᒻᒪᓗ ᑐᑭᓯᐊᓂᕐᒧᑦ ᐱᔅᓂᓯᒥᒃ ᐱᕙᓪᓕᐊᓂᕐᒥᒃ ᐊᒻᒪᓗ ᓇᖕᒥᓂᖃᕐᓂᕐᒧᑦ. ᑐᕌᖓᔪᖅ ᐃᑲᔪᕐᓂᐊᖅᑐᖅ ᐃᓚᐅᔪᓂᒃ ᐱᔪᒪᓂᖃᖅᑐᓂᒃ ᓇᖕᒥᓂᖃᕐᓂᕐᒧᑦ ᐊᒻᒪᓗ ᐃᓕᓐᓂᐊᕐᓂᕐᒧᑦ ᐊᐅᓛᖅᑎᑦᑎᓂᕐᒥᒃ ᐱᔅᓂᓯᖃᕐᓂᕐᒧᑦ. ᐸᕐᓇᐃᓂᖅ ᐱᕙᓪᓕᐊᓕᖅᑐᖅ, ᖃᐅᔨᒋᐊᑲᓐᓂᕐᓂᐊᖅᐳᑎᑦ ᓇᓗᓇᐃᔭᖅᓯᒪᔪᐃᑦ ᒥᒃᓵᓄᑦ ᐊᒻᒪᓗ ᑕᑕᑎᕆᐊᓕᖕᒥᑦ 2016 ᒪᒃᑯᒃᑐᓄᑦ ᑐᕌᖓᔪᖅ-ᒧᑦ.

ᑎᑎᕋᖅᓯᒪᔪᑦ ᒪᒃᑯᒃᑐᓄᑦ ᑐᕌᖓᔪᖅ-ᒧᑦ ᐃᓚᐅᓂᕐᒧᑦ

  • ᐃᓚᐅᔪᑦ ᐅᑭᐅᖃᕆᐊᖃᖅᑐᑦ 19-ᒥᑦ 29-ᒧᑦ, ᐊᒻᒪᓗ ᓂᕆᐅᒋᔭᐅᔪᑦ ᐃᖕᒥᖕᓂᒃ ᐱᒋᐊᕈᖕᓇᕐᓂᖏᓐᓄᑦ ᐊᒻᒪᓗ ᐱᔭᒃᓴᐅᑎᖃᕐᓂᕐᒧᑦ. ᐃᓚᐅᔪᑦ ᐃᓚᐅᖃᑕᐅᖁᔭᐅᔪᑦ ᑕᒪᐃᓐᓂᓗᒃᑖᖅ ᖃᓄᐃᓕᐅᕐᓂᐅᔪᓂᑦ ᒪᒃᑯᒃᑐᓅᖓᔪᓃᑦᑐᓄᑦ.
  • ᐅᑎᒧᑦ ᑎᖕᒥᓲᒃᑰᕈᑏᑦ ᑲᖏᖅᖠᓂᕐᒧᑦ (ᓯᑎᐱᕆ 26, ᐅᑎᕐᓗᓂ ᓯᑎᐱᕆ 29) ᑎᖕᒥᓲᒃᑰᕈᑎᑖᖅᑎᑕᐅᓂᐊᖅᑐᖅ. ᖃᖓᒃᑰᕐᓃᑦ ᐊᐅᓚᖅᑎᑕᐅᓂᐊᖅᑐᑦ ᒪᕐᕉᒃ ᐱᓇᓱᐊᕈᓰᑦ ᐃᖏᕐᕋᔭᕆᐊᖃᕐᓂᐅᑉ ᓯᕗᓂᐊᒍᑦ. ᐃᓚᐅᔪᑦ ᐱᔭᒃᓴᐅᑎᖃᕐᓂᐊᖅᑐᑦ ᐃᖕᒥᖕᓂᒃ ᑎᖕᒥᓲᒥᒃ ᐊᙳᑎᙱᑉᐸᑕ.
  • ᑐᔪᕐᒥᕖᑦ ᐃᓄᖕᓃᓐᓂᐊᖅᑐᑦ. ᖃᐃᖃᑕᐅᓂᐊᖅᑐᑦ ᐃᓂᒋᓂᐊᖅᑕᒥᖕᓂᒃ ᓇᓂᓯᓯᒪᖁᔭᐅᓂᐊᖅᑐᑦ, ᐅᕝᕙᓘᓐᓃᑦ ᑕᐅᖅᓰᖅᑐᓕᕆᔨᒃᑯᑦ ᐃᑲᔪᕐᓂᐊᖅᑐᑦ ᓇᓂᓯᓂᕐᒧᑦ ᑐᔪᕐᒥᕝᕕᒋᓂᐊᖅᑕᖏᓐᓂᒃ. ᑐᔪᕐᒥᕝᕕᐅᔪᓗᒃᑖᑦ $125/ᐅᑉᓗᕐᒧᑦ ᐊᑭᓕᖅᑕᐅᓂᐊᖅᑐᑦ ᐅᑉᓛᕈᒥᑕᕐᓂᐊᖅᑕᕐᓄᑦ ᐊᒻᒪᓗ ᑐᔪᕐᒥᓂᕐᓄᑦ.
  • ᓂᕆᖃᑦᑕᕐᓃᑦ ᑕᐃᒪᐅᓂᐊᖅᑐᑦ ᑎᑭᓯᒪᓂᕐᓂᑦ.
  • ᐊᑭᒃᑲᓐᓂᐅᔪᑦ, ᐃᓚᐅᑉᓗᑎᒃ ᖃᐅᑕᒫᖅᓯᐅᑏᑦ, ᑎᖕᒥᓲᒃᑯᑦ ᐊᑭᒃᑲᓐᓃᑦ ᐃᓚᐅᖃᑕᐅᔫᑉ ᐱᔭᒃᓴᐅᑎᒋᓂᐊᖅᑕᖏᑦ.
  • ᓄᓇᓕᖕᒥᑦ ᐃᖏᕐᕋᔭᖕᓂᖅ – ᐃᓚᐅᖃᑕᐅᔪᑦ ᐊᐃᓂᐊᖅᑕᕗᑦ ᒥᕝᕕᖕᒥᑦ ᐊᒻᒪᓗ ᑖᒃᓯᒃᑰᕈᑎᓂᒃ ᑐᓂᓂᐊᖅᑕᕗᑦ ᒪᒃᑯᒃᑐᑦ ᓇᖕᒥᓂᖃᕐᓂᕐᒧᑦ ᑐᕌᖓᔪᑦ-ᒧᑦ ᐱᔪᓄᑦ ᐊᒻᒪᓗ ᒥᕝᕕᖕᒧᑦ ᐅᑉᓗᕐᒥᑦ ᐊᐅᓪᓚᕐᕕᒃᓴᖓᓐᓂᑦ.

Comments are closed